شتسوي لما يروح الانترنت بالعراق

عدد المشاهدات 74

شايفين شكد تتعب النفسية لما يروح الانترنت وتنتظره شوكت يرجع؟ الله يعينك لأنك حالك من حالي.
راح أكلكم على كم طريقة أستخدمها لما يروح الانترنت, هذا رئيي فقط يجوز أنت عندك تفضيلات مختلفة.

تصفح الهاتف بشكل عشوائي

أكو شغلات بالهاتف الذكي, لو كان عندك آيفون لو أندرويد ما تعرفها لأن انت اليهمك تستخدم تطبيقات تعتمد على الانترنت.
مثلاً, آني لما يروح الانترنت أتصفح فيديوهاتي الي ما شايفها, أدخل على الاعدادات واشوف الشغلات الي ما أفتهمها , أو ما فهمتها قبل.
صدقني, العملية فعالة وراح تعلمك شي ما جنت تعرفه.

إلقي نظرة على تنزيلات YouTube

إذا عندك كم مسلسل محملها لو كم مقطع تحبه, راح تتذكره لمن يروح الانترنت لأن لو عندك انترنت راح تشوفه حتى لو أنت محمله, وتنساه.
آني محمل مسلسلات كوميدية وكم مقطوعات موسيقية أحبهن

اسمع موسيقى على Deezer

الله. أفضل تطبيق بالنسبة لي. Deezer فيه آلاف الأغاني الي حتى ممكن ما تلكاها بغير مكان. والحلو بيه تكدر تحمل قائمة تشغيل كاملة, أعمال فنان محدد بالكامل, ملف شخصي بالكامل, single tracks وألبومات بالكامل.
بس لازم تشتريه بالأول لأن ما ينطيك كل الخصائص هاي. وصدقني يستاهل الدفع.
ماشي حبايبي, نشوفكم بغير تدوينة.

اترك تعليق